Kani-kanyang post sa social media… MGA ANAK, NAGSALITA NA SA PAGLAYA NI BONG

HALOS pare-pareho ang message ng magkaka­patid na sina Bryan, Luigi at Cavite Vice-Governor Jolo Revilla sa paglaya ng ama nilang si Bong Revilla, Jr. kahapon.

Nag-post si Jolo ng picture nila ni Bong at may caption itong: “Uuwi na kami ni Papa! Kumpleto na ulit ang pa­milya namin sa aming bahay. Maraming-maraming salamat sa lahat ng nagdasal para sa kanyang paglaya. The truth will always prevail! #Tuloy­AngLaban #BongRevil­la2019.”

Ang maiksing message ni Bryan ay: “Thank you Lord!!! We are finally going home!!” habang ang message ni Luigi ay: “GOD IS GOOD” at may picture na na­ka­­ya­kap si Bong sa kanyang lawyer na kuha sa Sandiganbayan.

Magandang Christmas gift ang paglaya ni Bong at matutu­pad na ang wish ng kanyang pa­milya na buo sila ngayong Pasko!