Ginang sugatan sa bomba

COTABATO CITY—Isang ginang ang sugatan nang may sumabog na bomba sa loob ng kanilang bakuran, kamakalawa sa Bgy. Kalanganan sa lungsod na ito.

Nakilala ang biktima na si Noriguig Jamal, residente sa nasabing barangay.

Ayon sa ulat, nagwawalis sa kanilang bakuran si Jamal nang biglang may sumabog sa kinatatayuan ng biktima.

Ginagamot na sa ospital si Jamal, samantalang, iniimbestigahan na ng mga awtoridad ang insidente ng pagsabog sa naturang lugar.