Paggamit sa talumpati ng mga panuntunan ng ahensiya ng gobyerno
Dear Chief Acosta,
Nais kong gamitin sa aking talumpati ang rules and regulations ng ahensiya ng gobyerno. Kinakailangan pa ba ang kanilang pahintulot upang magamit ito?
Dear Jake,
Para sa inyong kaalaman, sang-ayon sa Section 176.1 ng “Intellectual Property Code of the Philippines”:
“176.1. No copyright shall subsist in any work of the Government of the Philippines. However, prior approval of the government agency or office wherein the work is created shall be necessary for exploitation of such work for profit. Such agency or office may, among other things, impose as a condition the payment of royalties. No prior approval or conditions shall be required for the use of xxx rules and regulations xxx pronounced, read or rendered in courts of justice, before administrative agencies, in deliberative assemblies and in meetings of public character.” (Binigyang-diin)
Malinaw sa nasabing batas na hindi ninyo kinakailangan ng pahintulot ng mga ahensiya ng gobyerno kung gagamitin ninyo sa inyong talumpati ang mga panuntunan na kanilang ipinatutupad.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa inyong patuloy na pagtitiwala.
Comments