GRASSROOTS SA TABLE TENNIS TULOY PARA SA PHL SEA GAMES

PAGPAPALAKAS sa grassroots program sa pamamagitan ng nationwide tournaments upang dito makatuklas ng mahuhusay na manlalarong kakatawan para sa international tournaments.

Sa una niyang pagharap sa TOPS (Tabloid Organization in Philippine Sports), sinabi ni Philippine Table Tennis Federation of the Philippines Incorporated president Ting Ledesma. “The only way to tap young promising talents is through comprehensive, effective, viable and long sustainable programs. With the help of my fellow officials, we can realize the ultimate goal,” aniya sa harap ng mga kasapi ng bagong samahan ng reporters sa iba’t-ibang tabloid newspapers.

Aniya, nagsagawa siya ng monthly tournaments sa mga lalawigan upang makatuklas ng bagong players na may angking talino sa table tennis lalo na sa mga kanayunan. Kasama sa buwanang torneo ang Iloilo, Davao, Cebu, at Bicol sa bayan ng Malilipot sa Albay. “Kailangan marami tayong manlalaro para maraming mapagpipilian para sa 2019 Southeast Asian Games na gagawin sa ating bansa. The many talents we have, the better,” ani Ledesma.

Apat na tanso ang nakabig ng kanyang players mula sa Southeast Asia Table Tennis championship na ginawa sa Bali, Indonesia. Ang torneo sa Indonesia ay bahagi ng training at preparation para sa 30thedition ng 11-nation SEA Games sa 2019.