Bad influence raw sa kabataan… PBB OTSO, PURO KALANDIAN AT KAIMORALAN, IPINASASARA

Anj Cabilla / PAK ANG GANAP!

KASISIMULA pa lang ng reality show na Pinoy Big Brother Otso nitong November 10, ngunit isinusulong na kaagad ng ilang organisasyon na ipati­gil ito dahil sa pagpapakita ng maling pag-uugali sa mga kabataan.

Naging usap-usapan ito dahil ang isang housemate na si Karina Bau­tista (16) na may 4 years BF sa labas ng Bahay ni Kuya ay umamin na nagka­kagusto at nai-in love kaagad sa housemate na si Aljon Mendoza (17) kahit na tatlong linggo pa lang silang magka­sama sa loob ng bahay.

Nagsalita ang presidente ng LEAP o League of Extraordinary Admired Pilipino na si Alvin Castro ng, “Kung hindi tungkol sa kabit, puro kalandian ang ipinapa­labas sa mga television networks natin ngayon.”

Dagdag pa niya, “We need to reinvent our television programs. Bakit hindi tayo magpalabas ng mga progra­mang ma­ka­ka­pag-promote ng good values sa mga kaba­taan? Tungkol sa agham o negosyo?”

Kasunod nito, hindi rin napigilan ng mga netizens na mag-comment na kinu­kunsinti raw ng ABS-CBN at mga officials ng PBB Otso ang mga ganitong bagay para tumaas ang ratings ng show.

May mga nag-comment din na hindi tama ang ganitong tema ng palabas dahil ito ay ginagaya ng mga kabataang naka­kapanood ng show dahil maiisip nila na ito ay tamang gawin.

Dapat daw ay magpasok ang PBB Otso ng mga kabataan na magiging ma­gandang ehemplo sa iba. At kung ganito lang daw ang mapapanood ay mas mabuti nang ipasara na lang ang show.