Dahil sa pensiyon ng tatay | LALAKI PINAGTATAGA NI KUYA
Paul Lamsen
Dec 6, 2018
1 min read
DAHIL sa matinding selos sa pensiyon ng kanilang ama, pinagtataga ng isang lalaki ang kanyang nakababatang kapatid sa Pangasinan.
Kinilala ang biktima na si Amado Torio, habang suspek naman ang kuya nitong si Abraham, kapwa nasa hustong edad, may asawa.
Batay sa imbestigasyon, naglalakad ang biktima nang makasalubong nito ang utol na lasing at may dalang itak kung saan walang sabi-sabing pinagtataga ang biktima.
Nabatid na ang biktima lang umano ang nakikinabang sa pensiyon ng kanilang magulang na ikinagalit ng suspek.
Comments