Lalo na raw ‘yung kulay pula, sis! BABAENG SA SANDALING GUMAMIT AT MAGSUOT NG MASUSUWERTENG KULAY AY

Maestro Honorio Ong

Dear Maestro,

Sobrang hirap ng bu­hay namin ngayon at hin­di ko na alam kung kailan kami giginhawa. May tin­dahan kami, pero napa­kahina ng benta at ang aking asawa ay maliit lang ang kinikita mula sa pag­tatray­sikel at halos hindi ‘yun magkasya sa amin.

Gusto kong humingi ng tulong sa inyo kung paano kami aasenso at anu-ano ang masusuwerte naming kulay, pan-display, araw at taon para kami ay gumin­hawa? Ang birthday ko ay April 15, 1978 at ang mister ko naman ay April 6, 1977.

Sa pagkakaalam ko, pareho kaming may birth date na 6, sa zodiac sign na Aries. Tama ba? Masaya at hindi kami nag-aaway, pero dahil wala kaming pera, nahihirapan na kami at minsan ay malungkot pa.

Umaasa,

Maria ng Mahipon, Gapan, Nueva Ecija

Dear Maria,

Tama ka, ang pera ay isang bagay na nagpapasaya sa mag-asawa at hindi lang sa mag-asawa kundi sa bu­ong pamilya, higit lalo sa panahong ito na nalalapit na ang kapaskuhan.

Samantala, ayon sa pag­susuri sa Numerology, tu­nay ngang pareho kayo ng mister mo na may birth date na 6 dahil ang birth date mong 15 ay 1+5=6 at nag­kataon ding pareho kayo ng zodiac sign na Aries na nag­tataglay ng planetang Mars.

At dahil ang planetang Mars ay ruling planet ng mga isinilang na mga may zodiac sign na Aries na nanganga­hulugang pula ang pinaka­masuwerte ninyong kulay dahil pula ang kulay ng pla­netang Mars at puwede ring pink at maroon.

Kaya ang unang solus­yon upang umunlad ang inyong kabuhayan at magka­pera kayo ng marami ay pa­lagi kayong magsuot at gu­mamit ng kulay pula, si­mula ngayon.

Puwede rin kayong mag­suot ng mga bato na ku­lay pula o kahit na anong uri nito na ipalalamuti sa silver na singsing.

Ang ikalawang solusyon upang umunlad ay pagkain. Dahil ang birth date ninyo ay parehong 6 na ang ruling planet ay Venus, iminumung­ka­hing masasarap na pag­kain ang dapat ninyong ihalo sa inyong paninda.

Kung hindi man pag­kain, puwede rin ang masasarap na tinapay at iba pang sit­sirya. Basta ang key word, ang masasarap na pagkain ay ang mga produktong magpa­paunlad sa inyo, gayundin ang lahat ng makukulay na produkto o kalakal na kaakit-akit sa paningin.

Dagdag pa rito, ang ikat­long solusyon upang umun­lad at lalo pang sumagana ang inyong kabuhayan ay kung may bakanteng lote sa harap ng inyong bahay, magtanim kayo ng mga bulaklaking ha­laman.

Basta ang key word, pa­gandahin at gawin ninyong romantic at kaaya-ayang tingnan ang inyong bakuran at kapaligiran upang mabu­hay ang inyong libido na mag­dadala ng pag-unlad, ligaya at kasaganahan habang kayo ay patuloy na nagsasa­ma at nagmamahalan.

Samantala, ang ikaapat na solusyon upang kayo ay umunlad at lalo pang su­ma­gana ang inyong pamumuhay ay kailangang may pintura ang inyong bahay, ‘yun bang kahit na maliit, kailangang malinis at magandang ting­nan.

Maaliwalas na kapaligi­ran ang key word upang ma­buhay ang inyong awra na si­yang sasagap ng mas ma­rami pang magagandang kapalaran.

Ang ikalimang solusyon, panatilihin mo ang iyong ikat­long lagda, pero simu­lan mo ito sa sign na dolyar (“$”) ang letrang “S”. Sa ganyang lagda, magsisimula na ka­yong umunlad at yumaman.

Habang ang ikaanim at panghuling solusyon upang umunlad, magkapera at lu­migaya na ang inyong pa­milya tulad ng kasalukuyang nangyayari, huwag kayong mag-aaway at palagi kayong magmamahalan dahil dapat ninyong tandaang si Venus ay siya ring itinuturing na Diyos ng pag-ibig at ka­gan­dahan, kaya kapag palaging puno ng pag-ibig ang pa­milya at maganda ang inyong kapaligiran, kusa n‘yo nang ma­aakit ang magagandang ka­palaran, palagi kayong su­suwertehin at magiging ma­ligaya, habambuhay.

Habang, ayon sa Deca­dens ng iyong Kapalaran, Maria, basta sinunod ninyo ang simpleng anim na re­komendasyong binanggit sa itaas, tiyak ang magaganap sa taong 2020, sa edad mong 42 pataas, magsisimula na kayong makaahon sa ka­hi­rapan hanggang sa tuluy-tuloy nang yumaman ang inyong pamilya.