Misis pinagsasaksak ni mister | KABIT BUKING SA FB

KULONG ang isang mis­ter makaraang pagsasak­sakin ang kanyang misis kamakalawa ng gabi sa Sabangan, San Juan, La Union.

Kinilala ang suspek na si Doming Lagardiya. Kritikal naman sa ospital ang misis nitong si Rosita, kapwa nasa hustong gulang, residente ng nasabing lugar.

Batay sa inisyal na imbes­tigasyon, nahuli ng mister na may ka-chat na lalaki ang kanyang misis na nauwi sa pagtatalo.

Pilit umanong pinaaamin ng lalaki ang misis sa kina­lolokohang ka-chat at kan­yang kalaguyo.

Hanggang sa nakulitan umano ang misis at umamin ito. Rito na kumuha ng pata­lim ang mister at pinagsa­saksak ang asawa.

Naisugod sa ospital ang biktima at kasalukuyang ginagamot habang nadakip naman ang suspek.