Bahay natabunan ng mga bato | 3 YRS. OLD NALIBING NANG BUHAY

PATAY na nang matag­puan sa kanyang higaan ang tatlong taong gulang na lalaki matapos matabunan ng malaking tipak ng bato mula sa pagguho sa Sitio Gulod, Bgy. Jose Patag sa Santa Maria, Bulacan.

Nasa ilalim ng higaan na nakuha ang bikti­mang si Leonard Dorimon, Jr. Naisugod pa sa ospital ang paslit subalit, hindi na rin umabot ng buhay.

Dinala rin sa pagamutan ang kasama sa bahay ng biktima na sina Andre Auditor, 3, at ang lola ng mga bata na si Teresita Auditor, 60. Nasugatan ang dalawa na nakatayo sa pintuan nang mangyari ang pagguho.

Ayon sa ama ng biktima na si Leonard, lumabas siya ng bahay para linisan ang kanyang motorsiklo nang may marinig na malakas na dagundong na tila may bumagsak na puno. Kasu­nod na nito ay kanyang nakita ang mala­king bato na bumagsak sa kanilang bahay. Sinabi ni Senior Super­intendent Chito Bersa­luna, nakatayo ang bahay ng mga biktima sa dating quarry site. Wala umanong pag-ulan nang mangyari ang pag­guho.