Piyansa kay Imelda Marcos aprub — Sandiganbayan

PINABORAN ng San­­di­ganbayan ang mosyon ni dating unang ginang at nga­yon ay Ilocos Norte Rep. Imelda Marcos na makapag­lagak ng piyan­sa habang di­nidinig ang kan­yang apela sa kasong graft.

Sa naging desisyon ng Anti-Graft Court, ina­tasan si Marcos na mag­bayad ng P300,000 pi­yansa na doble ng kan­yang kasalukuyang bail na P150,000.

Mangangahulugan ito na si Marcos ay ma­laya habang tinatalakay ng korte ang kanyang apela.

Paliwanag pa ng San­di­­ganbayan, maaaring ihain ni Marcos ang kan­yang mo­tion for reconsi­deration sa kanila o dumi­retso na sa Korte Sup­rema.

Binibigyan si Marcos ng 15-araw upang i-avail ang post conviction re­medies sa ilalim ng Rules of Court.

Si Marcos ay nahatu­lang guilty sa pitong bi­lang ng paglabag sa Anti-Graft and Corrupt Prac­tices Act dahil sa mga ni­likha nitong Swiss Foun­dation noong siya ay go­bernador pa ng Metro Manila.

Noon lamang Martes, naghain na ng notice of ap­peal si Marcos sa San­digan­bayan upang ipa­alam na iaakyat nito sa Su­preme Court ang convic­tion sa kan­yang kaso.