Aktres, after madawit sa hiwalayan ng aktor kay Bianca… KYLINE AT MIGUEL, MAGSASAMA SA SINGAPORE

MAKAKADALO si Kyline Alcantara sa Asian Academy Creative Awards sa Singapore sa December 7.

Nominated si Kyline sa Best Actress in a Sup­­porting Role para sa mahu­say na pagganap sa Kambal, Karibal. Si Kyline ang national winner at makakalaban ang winners sa ibang Asian countries.

First trip abroad ito ni Kyline, kaya excited at mas matutuwa ang aktres ‘pag nanalo siya.

Makakapamasyal pa sa Singapore si Kyline at matutupad ang dream na makapunta sa Universal Studios dahil hanggang Dec. 9 siya sa Singapore.

Samantala, naka-schedule for January, 2019 ang airing ng Afternoon Prime na Inagaw na Bituin na tampok sina Kyline at Therese Malvar. Excited at kina­kabahan si Kyline dahil bago ang ipapakita niyang acting sa afternoon soap at dual role ang gagampanan niya bilang sina Elsa at Anna.

Kasama ni Kyline sa Singapore si Miguel Tanfelix dahil ang actor ang national winner sa Best Actor in a Leading Role for Kambal, Karibal pa rin. Tiyak, magkakaroon ng isyu sa pagsasama ng dalawa sa Singapore, lalo na ‘yung mga naniniwalang si Kyline ang cause ng breakup nina Miguel at Bianca Umali.