4 NPA dedo sa engkuwentro

APAT na miyembro ng New People’s Army (NPA) ang nasawi sa panibagong engkuwentro sa pagitan ng militar sa Malapatan, Saran­gani Province.

Nangyari ang sagupaan ala-1:00 ng hapon ng Huwe­bes sa bulubunduking bahagi ng Bgy. Upper Suyan.

Sa nakarating na report kay Lt. Col. Marion Angcao, mula sa grupo ng Commu­nist Guerrilla Front 71 ang mga napatay.

Una nang iniulat ang ma­lakas na presensiya ng grupo sa lugar kung saan nagkaka­roon ng mass vaccination program ang ilang health workers dahil sa nangyaring measles outbreak na ikina­matay ng 18 bata.

Wala namang ibang naibigay na impormasyon si Angcao kaugnay sa pagka­kakilanlan ng mga nasawing NPA at kung may nasugatan sa panig ng militar.