Lalaking type ang babaeng mas bata ng 9 na taon sa kanya kaya takot mahusgahan

Dear Roma,

Ako si Jonas, 31 years old at nagtatrabaho sa isang TV network. Sa nga­yon ay may mga nag-o-OJT sa kumpanya na pi­nagtatrabahuhan ko at isa ako sa mga nagte-train sa kanila. Hindi ko alam kung tama ba itong nara­ramdaman ko dahil nati­tipuhan ko ang isa sa mga trainee. Gusto ko siyang ligawan kaso mas bata siya sa akin ng siyam na taon. Kung minsan ay napapaisip ako tungkol sa panghuhusga na mata­tanggap ko mula sa ibang tao kapag nalaman nila na malaki ang agwat ng edad namin. Roma, dapat ko pa bang ituloy ang bina­balak kong panliligaw sa kanya? Maraming sala­mat! — Jonas

Jonas,

Kung sigurado ka nang gusto mo ang babaeng ti­nu­tukoy mo, huwag ka nang magdalawang-isip pa. ‘Ika nga nila, “age doesn’t mat­ter”, kaya tandaan mo na hindi mo dapat bigyang-pan­­sin ang komento ng ibang tao dahil ang mahalaga ay ang kaligayahan mo. Kaya ang maipapayo namin sa’yo, ituloy mo na ang pla­no mong panliligaw kung siya na nga ang pinapa­ngarap mong maging nobya. Good luck at God bless!