Chinese tumalon mula 17th flr. ng condo, lasog

SINASABING tumalon mula sa ika-17 pa­lapag ng isang condominium ang 49-anyos na turistang Chinese kamakalawa sa Pasay City.

Halos nagkalasug-lasog ang katawan at basag ang bungo ni Dong Hua, tubong Quidong City, Jian, China, huling tumutuloy sa room 819 Studiozen Residence, Taft Avenue.

Base sa report na na­tanggap ni Station Investi­gation and Detective Ma­nagement Branch, Pasay City Police Chief Inspector Wilfredo Sangel, naganap ang insidente sa Avida To­wer Prime, Taft Avenue, Bgy. 36, Zone 3, ala-1:00 ng hapon.

Dumalaw umano ang biktima sa kanyang mga kababayan na nanunuluyan sa nabanggit na condomi­nium saka umano ginawa ang pagpapatiwakal.

Sinasabing nang isagawa ng biktima ang pagpapati­wakal, naroon ang apat na Chinese nationals kabilang ang kanyang kasamahan na hindi muna binanggit ang mga pangalan.

Inimbitahan ng Pasay City Police ang mga kababa­yan ng biktima para imbes­tigahan.