Kahit para sa sakit ng ulo at sipon lang ‘yan, teh! PARACETAMOL, MAAARING MAGING SANHI NG AUTISM!
MADALAS na inirerekomenda sa mga nagdadalantao ang paracetamol dahil safe raw ito sa kanila. Pero, knows ba ninyo na maaari itong makaapekto sa sanggol kapag lumaki na sila?
Hala!
Ayon sa pag-aaral, ang pag-inom ng mga buntis ng paracetamol o acetaminophen (APAP) ay nakapagpapalit ng hormone sa uterus.
Sinuri ng mga researcher ang 132,738 ina kabilang ang kanilang mga anak sa loob ng 11 taon.
Ang mga kalahok na ina ay naitalang uminom ng paracetamol noong sila ay nagbubuntis pa lamang.
Sinubaybayan ng mga researcher ang paglaki ng mga bata, kung paano natutong magsalita at kung madali ba itong nakapagpo-focus sa mga bagay-bagay habang lumalaki sila.
Lumabas sa resulta na ang exposure sa paracetamol ng mga sanggol na nasa sinapupunan pa lamang ay may 30 porsiyento ng tsansang magkaroon ng ADHD at 20 porsiyento ng autism.
Dagdag pa rito, ang mga buntis na uminom ng paracetamol ng sobra sa anim na beses sa first trimester ng kanilang pagbubuntis ay maaaring mauwi sa speech delay ng kanilang mga baby ng anim na beses.
Bukod sa madaling bilhin ang paracetamol dahil hindi nito kailangan ng prescription, isa rin ito sa mga kadalasang gamot na iniinom ng mga kababaihan habang buntis dahil maraming nagrerekomenda nito sa kanila, ngunit, ang paalala ng mga eksperto, puwede pa rin namang inumin ang nasabing gamot habang wala pang tatlong buwan ang dinadalang bata, pero kapag lumagpas na rito, mas okay kung mag-iingat na tayo. Kaya mga mamsh, alam n‘yo na ang dapat iwasan habang nagdadalantao, ha? Have a healthy baby! Copy?
Comments