GIGAHITTERS, TINAMBAKAN ANG LADY REALTORS SA PSL

NAKAPAGPAKABOG muli ang Smart Giga­Hitters nang magara niyang walisin sa tatlong sets 25-23, 25-19, 25-19 ang Sta. Lucia sa 2018 Philippine Superliga (PSL) All-Filipino Conference kahapon sa Bacoor Strike Gym.

Nagpalakas sa laro sina Skipper Aiko Urdas at Jerrili Malaban para sa Giga Hitters, na tinapos ang tatlong game na kabiguan sa season-ending conference ng PSL.

Umiskor sila ng tig-13 points habang si Joyce Sta. Rita ay dumagdg ng 7 puntos. May 5 points lang si Grethcel Soltones at 14 excellent receptions. Umibayo ang Smart sa 3-5 marka ng torneo, pero hindi pa rin na-impress si head coach Roger Gorayeb. “All wins are important to us right now, because we’re not on top of the standings,” aniya. “I have yet to see the real game of my team.

Hindi makapaglalaro sa susunod na game sa Giga Hitters sina setters Jasmine Nabor at Angel Cayuna na abala sa pag-aaral sa National University at Far Eastern University. Nagawa pa ni Nabor na tumapos ng 31 excellent sets, 16 digs, at 4 points. “Jasmine sacrificed her (oral) defense for this game. But on Thursday, Angel will be back, and Jasmine will miss the game,” ani Gorayeb, hinggil sa kanilang laro kontra Foton.

Namuno sina Jeanette Villareal at Micmic Laborte sa Sta. Lucia sa naibakas na 11 at nine points habang sina Jho Maraguinot at Souzan Raslan ay may idinagdag na tig-7 puntos para sa Lady Realtors na masaklap na nakalasap ng ika-9 na pagkatalo. (VA / MC)