Anak ni Piolo, wala raw paki… IÑIGO, TANGGAP NA MAS GUWAPO SA KANYA ANG MGA

Melba Llanera / INSIDER

“HINDI, pinagtripan ko lang ‘yun. Literally pinagtripan ko kasi parang lahat ng pictures ko, kino-comment-an niya. Sabi ko, ang lakas ng tama niya, basher ka pero nauuna ka pang mag-comment kesa sa akin.

“Lahat ng pictures ko, kino-comment-an niya. Sabi ko, abangan na lang niya next picture na ipo-post ko, abangan ko ang iko-comment niya.

“Ako, laugh trip lang ang gina­gawa ko, pampaaliw lang sa mga nasa social media. Just to spice things up para ‘di boring ang buhay,” ang naging mahabang pahayag ni Iñigo Pascual nang ta­nungin siya kung bakit nakipag­sa­gutan sa isang basher niya kama­­kailan.

Nagkomento kasi si @ima­gine­­dra­­gons55049214 sa isang larawan kung saan may mga kasamang non-showbiz friends si Iñigo.

Sabi ng basher, mas guwapo at higit na mas may karapatan ang isa sa mga nasa larawan na nakila­lang si Nick Parker kesa kay Iñigo.

Pagsang-ayon naman ng singer ay guwapo talaga ang ilan niyang mga kaibi­gan at ‘di ito naging isyu sa kanya kahit kailan.

Ang ikinamamangha lang ni Iñigo ay ang sinasabi ng naturang netizen na basher siya pero mas nauuna pa itong mag-like sa mga pictures niya kahit pa nga ‘di siya ang nagpo-post ng mga ito.

Bilib din si Iñigo sa effort at oras na ibinibigay ng mga bashers para i-bash lang silang mga artista, pero hindi naman nito mai-post ang tunay nilang larawan at identity.

Sa komento rin ng naturang basher na kung ‘di siya anak ni Piolo Pascual ay ‘di siya makakapasok sa showbiz, ipinagkibit-balikat na lang ito ni Iñigo at tinanggap ang lahat sa nakakatawang paraan at ‘di na lang niya sineseryoso.

Sa ngayon nga ay kapansin-pansin na malaki na rin ang iginuwapo ni Iñigo at lumalabas na ang pagkakahawig nila ng ama.

Naniniwala kami na palipasin pa ang ilang panahon ay mas magiging ka­mukha ni Iñigo si Piolo o baka mas humigit pa.