TATLO ANG MAGLALABAN BILANG BEST PLAYER SA GOVERNOR’S CUP

ANG ANGAS NG TONDO! Paborito si Paul Lee ng Magnolia Hotshots na maging Best Player of the Conference ng PBA Governor’s Cup Final. (Spin)

TATLO ang magka-contender sa Best Player honors sa PBA Governors’ Cup. Matunog ang mga balitang magkalaban sa Best Player of the Conference race sina Christian Standhardi­nger, Paul Lee, at Chris Ban­chero sa finals ng PBA Governors’ Cup.

Nangunguna raw si San Miguel Beer rookie Stand­har­dinger sa statistics, pero humahabol sina Lee ng Magnolia Hotshots at Banchero ng Alaska Aces, matapos pangunahan ang kani-kani­lang team sa finals ng season-ending conference.

Habang agawan para sa Best Import award ang one-on-one nina Alaska’s Mike Harris at Magnolia’s Romeo Travis. Malalakas ding ka-contender sina Barangay Gine­bra’s Justin Brownlee, Phoenix Petroleum’s Eugene Phelps, Meralco’s Allen Durham, NLEX’s Aaron Fuller at Blackwater’s Hen­ry Walker. Base sa statistics, nakalalamang si Harris kay Travis sa averages na 30.31 points, 20.69 sa re­bounds, 2.81 assists, 1.13 steals at 1.00 block.

Gayunman, ang Magnolia import, ang BPC winner sa nakaraang PBA stint sa Alaska, norms 24.5 markers, 14.8 boards, 4.81 dish-offs at 2.0 steals. Si Standhardi­nger ang runaway leader sa stats race na may 41.9 SPs (statistical points) per game. Hindi nga lang pumasok sa semis ang Beermen. Pareho rin ng kaso ni second-running Stanley Pringle ng NorthPort (34). Ikatlo si Ginebra’s Japeth Aguilar (32.9), kasunod si Lee (31.64) at Banchero (31.56).

Sina Lee at Banchero ay maghaharap sa finals simula sa Dis. 5 Game 1 sa Mall of Asia Arena, Pasay City. (ATD / MC)