Mahistrado, hukom na mapapatay | PAMILYA, MAY PENSIYON AT SCHOLARSHIP

PINAGTIBAY na sa ikatlo at huling pagbasa sa Kamara ang panuka­lang-batas na layong ma­bigyan ng suportang pi­nansiyal ang naulilang pamilya ng mga opisyal ng Hudikatura na ma­pa­patay dahil sa kanyang tra­baho.

Umani ng botong 170 pabor at walang pagtutol ang House Bill 8121.

Sakaling tuluyang ma­ging batas, mabibigyan ng buwanang pensiyon ang na­ulilang asawa at anak ng Ma­histrado ng Korte Suprema, Court of Appeals, Sandi­ganba­yan, Court of Tax Ap­peals, gayundin ang mga hu­kom ng lower courts na ma­papaslang dahil sa pag­tupad ng tungkulin.

Maliban sa pinansiyal na tulong, mabibigyan din ng scho­larship sa state univer­sities and colleges at libreng matrikula ang dalawa sa anak ng ma­bibiktimang Ma­histrado o hukom.

Itinatakda rin nito na kapag may kaugnayan sa tra­­baho ang dahilan ng ka­matayan ng Mahis­trado o hukom, tatanga­pin ng pa­milya nito ang kumpletong benepisyo na katumbas ng naku­kuha ng Associate Jus­tice ng Korte Suprema, ma­haba man o maikli ang pa­nahon ng kanilang naging serbisyo.

Tatanggapin ng nauli­lang asawa ang mga be­nepisyong ito habang siya ay na­bubuhay o hang­­gang sa ma­kapag-asa­wang muli.

Ililipat lamang ang be­nepisyo sa mga naulilang anak kung ang naiwang asawa ng pinatay na Ma­his­trado o hukom ay na­ma­­yapa na rin.