CD, 'di na raw uso, nawalan ng gana… JOSE MARI CHAN, AYAW NANG GUMAWA NG KANTA!
MORE than 50 years na rin ang OPM icon and legendary singer-songwriter na si Jose Mari Chan sa music industry at hindi na mabilang ang kanyang mga classic hits (Refrain, Afterglow, Can We Just Stop and Talk a While, Deep in my Heart, A Love to Last a Lifetime, Beautiful Girl, Please Be Careful with my Heart, Christmas in Our Hearts to name a few) na hanggang ngayon ay gustung-gusto pa ring pinakikinggan ng mga tao, lalo na nga ng mga oldies na lumaki sa kanyang mga awitin.
But it’s sad na bihira na siyang gumawa ng kanta ngayon at aminado siyang nawawalan na rin siya ng gana dahil wala siyang outlet.
“I continue to write, unfortunately, I’m not so encouraged anymore because I write a new song, and then, walang outlet,” pahayag ni Jose Mari sa nakaraang presscon para sa upcoming show niyang Going Home To Christmas.
Ikinalulungkot nga rin niya na nawawala na ngayon ang mga CDs at digital copies na ang binibili ng karamihan.
“If I come up with a CD of a new song, radio stations will consider them outdated, medyo lumang style, so sayang lang,” dagdag niya.
Although ang bagong sistema ay maganda raw para sa mga listeners, but not on the singers and songwriters.
“Because how do you deal an outlet to your songs? Unlike before, 7 or 8 companies will beat for your songs to record for them. So, you can name your price.
“But nowadays, I think, there are only 2 recording companies left — Universal and Star Records.
“So, I feel very bad for our singers/songwriters now because there are very few outlets,” he said.
At sa mga naka-miss kay Jose Mari Chan, ito na ang inyong pagkakataon because he’s having a Christmas concert called Going Home to Christmas na gaganapin sa Dec. 22, 2018, @8 PM at The Theatre at Solaire.
Sa nasabing concert ay hindi lang ang mga Christmas songs niya ang kakantahin ng music icon kundi maging ang kanyang mga timeless and classic hits.
Special guest niya sa said concert ang Kapuso actress-singer na si Rita Daniella.
Comments