NU BULLPUPS, NAKAHAKBANG PALAPIT SA FINALS VS. UPIS

PINADAPA ng Natio­nal University ang Uni­ver­sity of the Philippines Integrated School, 25-13, 25-14, 25-19, upang ma­kalapit sa target na out­right Finals berth noong nakaraang Sabado sa boys division ng UAAP Season 81 high school volleyball tournament sa Blue Eagle Gym.

Umiskor si Mac Ban­dola ng 9 na puntos na tinampukan ng apat na service aces habang ka­sunod si Michael Fortuna na may 7 puntos upang pamunuan ang Bullpups sa pagposte ng ika-13 su­nod nilang panalo.

Tanging ang Far Eas­tern University-Diliman na lang ang natitirang ba­lakid para sa target ng NU na direktang pagpasok sa best-of-three champion­ship.

Sa iba pang laro, pina­sadsad ng Adamson U ang FEU-Diliman, 25-20, 25-22, 25-18, pinayukod ng UE ang Ateneo, 25-3, 25-17, 25-21, habang ti­nalo ng defending cham­pion University of Santo Tomas ang De La Salle-Zobel, 25-19, 25-16, 25-15.

Bunga ng kanilang pa­nalo, tumaas ang Tiger Cubs sa ikalawang pu­wes­to at tumabla sa Baby Ta­maraws na nalaglag sa markang 9-4, panalo-talo.

Nakabuntot sa kanila ang Junior Warriors at Baby Falcons na may iden­tical 8-5 na kartada. (VA)