‘Build, Build, Build’ ni P-Duterte | 300,000 pamilya, mawawalan ng bahay

TINUTULAN ng ilang grupo ang programang ‘Build, Build, Build’ ng ad­ministrasyong Duterte sa pangambang da­ang-libong pamilya ang mawawalan ng tirahan dahil matatamaan ng mga pro­yekto.

Aabot umano sa 300,000 pamilya sa National Capital Region ang mawawalan ng bahay dahil sa mga itinata­yong imprastruktura sa ilalim ng programa tulad ng ex­tension ng North Luzon Expressway (NLEX).

Sa isang pahayag ni Emil Pineda, kinatawan ng Sam­­paloc People’s Alliance, hin­di lamang ang mga nag­tayo sa lupa ng iba ang tatamaan kundi maging ang mga le­hitimong residente.

Kaugnay nito, umaasa ang ilang residente na maa­apektuhan sa programa na sasabihan sila ng gobyerno kung ano ang magiging plano sa kanilang mga ma­wawalan ng bahay.

Samantala, wala pang sagot ang Department of Public Works and Highways sa mga isyung ibinabato ng grupo. (BRT)