Pulis, 2 pa arestado sa pampasabog

TIKLO ang isang pulis at dalawa pang lalaki sa Ta­gum City, Davao del Norte kaugnay sa pagbe­benta uma­no ng mga sangkap pampa­sabog.

Ayon sa National Bu­reau of Investigation (NBI), una nilang naaresto ang mag-amang Felix at Mark Aleria na umano’y runner sa pag­bebenta ng mga bomba.

Nahuli naman si PO2 Glenn Magalso nang maki­pagkita ito sa mag-amang suspek. Itinuro ng mag-ama si Magalso na siyang may-ari ng mga natuklasang mga pampasabog.

Nakuha mula kay Ma­galso ang isang baril at mga cellphone na ginagamit sa transaksiyon.

Nasamsam din ang 15 sako ng chemicals, blasting caps at iba pang gamit pam­pasabog na nagkakaha­lagang P270,000.

Kaugnay nito, sasam­pahan ang mga suspek ng kasong illegal possession of explosives. (BRT)