Pekeng yosi na may pekeng BIR stamps, nasabat

KINUMPISKA ng Bu­reau of Internal Revenue (BIR) ang higit sa kalahating milyong pakete ng mga si­garilyo na nilagyan ng pekeng BIR stamps.

Unang sinalakay ng BIR National Office Strike Force Team ang isang bahay sa Don Manuel Agregado St., Bgy. Sto. Domingo, Quezon City, Biyernes ng gabi.

Nakakuha ng 600 kahon ng pekeng sigarilyo na may mga pekeng BIR stamp.

Sa kabuuan, nagkaka­ha­lagang P105 milyong buwis ang dapat na binayaran ng may-ari ng nasabing karga­mento.

Kasunod nito, isang ba­hay naman sa kahabaan ng Cabatuan St., Caloocan City ang nilusob ng mga awto­ridad. Nakakumpiska ng 500 kahon ng mga pekeng siga­rilyo na mayroon ding pe­keng BIR stamps.

Kung dumaan sa legal na proseso, aabot sa P87 mil­yong buwis ang dapat na bi­nayaran ng may-ari ng na­sabing kargamento.