Parak binentahan ng drugs, kelot utas

NAUWI sa barilan na nag­resulta sa pagkamatay sa isang hinihinalang drug pus­her ang isinagawang buy-bust operation sa Valenzuela City.

Ayon kay Valenzuela Police Chief Sr. Supt. David Nicolas Poklay, alas-2:00 ng hapon nang ikasa ng SDEU at PCP-6 ang buy-bust ope­ration kontra kay Alfredo Montilla, 50, sa kanyang ba­hay sa Manolo Compound, Bgy. Malanday.

Sa imbestigasyon nina SPO3 Alexander Manalo at SPO2 Randell Agora, na­gawang makabili ng dala­wang plastic sachets ng shabu sa suspek kapalit ng P200 marked money ni PO1 Leo Angelo Loyola na nag­panggap na poseur-buyer.

Nang magkaabutan, agad lumusob ang mga nakaan­tabay na operatiba para ares­tuhin ang suspek subalit, bu­munot ito ng baril at pina­putukan ang papa­lapit na arresting officers.

Walang tinamaan sa mga operatiba na gumanti naman hanggang sa tamaan sa ka­tawan ang suspek na ma­bilis na isinugod sa Valen­zuela City Emergency Hos­pital su­balit, hindi na rin ito uma­bot nang buhay.

Narekober ng mga ta­uhan ng SOCO sa crime scene ang isang cal. 9mm na baril na may magazine na kargado ng 4 na bala at 4 na basyo ng bala mula sa cal. 9mm.

Nakuha naman sa na­sawi ang 11 plastic sachets ng hindi pa matukoy na ha­laga ng hinihinalang shabu, buy-bust money at wallet na naglalaman ng P490 cash, 1 plastic sachet ng shabu at ilang drug paraphernalias.