4 utas sa anti-drug operations

APAT katao ang naitalang nasawi sa sunud-sunod na operasyon na isinagawa sa Cavite, kamakalawa.

Base sa ulat mula sa tanggapan ni Provincial Director S/Supt. William Segun, ala-1:00 ng hapon nang ikasa ng mga tauhan ni Bacoor Chief P/Supt. Vicente Cabatingan ang simultaneous implementation ng anim na search warrants sa Bgy. Talaba 2, Bacoor City, na ikinasawi ng mga suspek na sina Venencio Vener Banatayo, Felimon Jun Roxas at isa pang hindi nakikilalang lalaki.

Pawang mga nakunan ng baril habang 23 pa ang nadakip na sangkot sa droga sa nasabing operasyon.

Samantala, sa Cavite City naman sa pamumuno ni P/Supt. Francisco Lucena III, alas-10:30 ng gabi nang mapatay sa buy-bust ang suspek na si Ferdinand Pangilinan II alyas BJ, residente ng Bgy. 48 A, San Antonio, Cavite City, matapos makatunog na mga pulis ang katransaksiyon nito.

Narekober dito ang isang .38 caliber revolver at isang sachet ng shabu.