PINOY, NAGPAKAIN NG ALIKABOK SA WORLD CUP FLOOR EXERCISE

NASAKSIHAN ng mga Aleman ang potensiyal ng isang Pinoy gymnast nang sumibad papasok sa final round si Carlos Edriel Yulo sa larangan ng floor exercise ng ginaganap na Federation Internationale de Gymnas­tique (FIG) Individual Appa­ratus World Cup sa Cottbus Lausitz Arena ng Germany.

Bagito pa lang na maitu­turing sa larangan ng men’s competition pero nakapag­re­histro ang 18-anyos na si Yulo ng 14.900 puntos upang maging pangalawang quali­fier sa floor exercise. Tanging si Israeli bet Artem Dolgop­yat ang may mataas na iskor (14.966 puntos) sa pulutong ng 37 gymnasts na lumahok.

Kasama sa walong fina­lists sina Dutch Casimir Schmidt (14.533 puntos), lo­cal pride Felix Remuta (14.333 puntos), Loris Fras­ca ng France (14.233 pun­tos), Tai­wanese Chia Hung Tang (14.200 puntos), Ah­met On­der ng Turkey (14.200 puntos) at ang pambato ng Finland na si Emil Soravuo (14.133 puntos).