Lapena vs. Mangaong tuloy sa korte

KASONG libel ang isi­n­ampa sa Taguig City Prose­cutors Office ni dating Bu­reau of Customs Commis­sioner at ngayon ay Techni­cal Education and Skills De­velopment Authority (TES­DA) Director General Isidro Lapeña laban kay da­ting Customs X-ray Inspec­tion Project Chief Atty. Ma. Lourdes Mangaoang kaha­pon ng umaga.

Alas-10:30 ng umaga nang isampa ni Lapeña ang kasong libel at slander sa tanggapan ni Taguig City Pro­secutor Princess Rox­anne Sucor.

Nag-ugat ang pagsasam­pa ng kaso laban kay Man­gaoang matapos sabihin nito sa isang interbiyu sa media na protektor umano si La­peña ng iligal na droga.

Ani Lapeña, walang ka­totohanan at pawang mga gawa-gawang istorya na wa­lang basehan ang inilabas nito sa media.

Samantala, kasama ni La­peña ang kanyang tatlong abogado nang magsampa ito ng kaso.

“Hindi po ako na-in­volve sa anumang isyu ng droga, kahit kailan at wala akong anomalyang gina­gawa” giit pa nito.

Hinamon niya si Man­gaoang na sagutin na lamang ang kasong isinampa niya sa tamang forum para mala­man kung sino ang nagsasabi ng totoo.

Unang sinabi ni Man­gaoang na tinagurian ding whistleblower, hindi siya ka­sapi ng anumang sindikato na umano’y tumatrabaho laban kay Lapeña.

Iginiit nito na may la­mang iligal na droga ang apat na magnetic lifters na nadis­kubre sa GMA, Cavite na si­nasabing nagkakahalagang P11 billion.