Lola dedbol sa aksidente

AKLAN—Isang 66-anyos na lola ang namatay nang aksidenteng mabangga ng van, kamakalawa sa Bgy. Ondoy, Ibajay sa lalawigang ito.

Nakilala ang biktima na si Rosalinda Silva, nakatira sa nabanggit na bayan.

Nabatid na naglalakad umano sa gilid ng kalsada si Silva nang aksidente itong mabangga ng van na minamaneho ni Arsenio Moises, residente sa nasabing lalawigan.

Dinala pa ng mga saksi si Silva sa ospital, pero idineklara itong dead-on-arrival, samantalang, sinampahan na ng kasong reckless imprudence resulting in homicide si Moises.