Huli sa akto | GRAB DRIVER, DRUG COURIER

HINDI na nakapalag ang isang Grab driver matapos mabuko sa pagtatangkang pagpupuslit ng droga sa Pasay City Jail.

Kinilala ni Pasay City Jailwarden Supt. Joe-Jay Arejola ang suspek na si Jo­nathan Roxas, 31.

Sa ulat na natanggap ni Supt. Arejola, nabuko ang dalang 40 gramo ng shabu at ang pinatuyong hybrid ma­rijuana, alas-4:10 ng hapon na nakapulupot sa isang plas­tic matapos matuklasan ni Jail Officer 1 Brel Gosimat, na nakaipit sa ari ni Roxas ang isang plastic na naglala­man ng droga matapos itong isailalim sa body search.

Sa isinagawang imbes­tigasyon, dadalawin sana ni Roxas ang kanyang pinsan na nakakulong na si Patrick Roxas at kaibigan na si Noah Rodriguez, na kapwa may mga kasong droga.

Ani Roxas, ipinadala la­mang sa kanya ang nasa­bing droga kapalit ng P10,000 at ito ay ibibigay kay Rod­ri­guez.

Katwiran nito, nagawa lamang niya ito dahil sa ka­hirapan.

Samantala, sa isina­ga­wang follow-up opera­tion, alas-10:00 ng gabi nang makarekober naman mula sa nakaparadang kotse na pag-aari umano ng suspek ang tatlong bulto ng plastic sachets ng shabu na nag­kakahalagang P1 milyon, 2 plastic sachets ng marijuana at isang baril.

Sa report ng pulisya, dati nang nakulong si Roxas sa kasong droga at ito ay na­kalaya matapos makapag­lagak ng piyansa.

Ayon sa mga awtoridad si Roxas ay isa umanong drug courier.