Bebot na dehins knows kung ititigil na ang pagbabanda dahil naaapektuhan na ang regular na trabaho

Dear Roma,

Ako si Kaycee, 23 years old at graduate ng kur­song BS Business Administration. Nagtatrabaho ako bilang marketing assistant sa isang shipping agency. Okay naman ang suweldo ko pero, kung minsan ay nagpe-perform ang banda namin sa mga maliliit na event at coffee shop. Hindi na kami madalas mag-perform kumpara noong college kami dahil ang iba sa amin ay may mga trabaho na. Sa totoo lang, naa­apektuhan ang trabaho ko dahil kapag late na akong nakakauwi sa gabi, ay nale-late rin ako sa tra­baho at minsan ay may nagagawa akong mali. Ano ang ma­ipa­payo ninyo sa akin? Maraming salamat! — Kaycee

Kaycee,

Nakahahanga ang mga katulad mo na nabibigyan pa ng oras ang hilig mo kahit na may trabaho ka na. Maipapayo namin sa’yo na sa tuwing magpe-perform kayo ng banda mo, eh, ihanda mo ang sarili mo sa po­sibilidad na ma-late ka ng uwi kaya naman kung may libre kang oras tulad ng biyahe pauwi, eh, subukan mong umidlip nang sa gayun ay makapag-ipon ka ng energy para sa iyong trabaho, kinabukasan. Hiling namin na kayanin mo pang pagsabayin ang iyong pagtatrabaho at pagpe-perform sa mga event. Good luck at God bless!