Shabu sa chicharon, buking

NABUKING ng bantay na preso ang dala-dalang hini­hinalang shabu ng isang GRO makaraang suriin sa detention cell ng Sariaya, Quezon-PNP.

Pasado alas-2:00 ng hapon, bibisita sa kanyang kaibigang nakakulong ang suspek na si Rosemarie Da­nganan Langit, 30, ng Bgy. Dalahican, Lucena City. Sinuri nila ang dala ni­­tong pagkain kung saan tu­mambad ang limang pira­so ng aluminum foil na na­kabalot sa tiket ng bus.

Kasunod nitong binuk­san ang isang balot ng chicha­ron hanggang sa madiskubre rin ang dalawang pirasong sachets na laman ang hinihi­na­lang shabu na tumitimbang ng higit sa dalawang gramo.