GYMNASTS YULO, READY NA SA GERMANY WORLD CUP KASBU

ITATAAS na ang telon ng 2018 Federation Interna­tionale de Gymnastique (FIG) Artistique Gymnas­tics Individual Apparatus World Cup sa Nob. 22 hang­gang 25 sa Cottbus, Ger­many.

Kasama sa talaan ng mga kalahok ay ang gymnasts mula sa iba’t-ibang parte ng mundo ng Iran, Austria, USA, Russia, Taiwan, Swit­zerland, New Zealand, Italy, France, Azerbaijan, Israel, Germany, Argentina at India. Hangad nila na makakuha ng puntos sa pamamagitan ng torneong ito para mapa­dali ang pag-qualify sa 2020 Tokyo Olympics. Isa sa mga nasa listahan ay ang teener na si Jose Edriel Yulo ng Pi­lipinas na sumasabak na sa men’s competition.

Kamakailan ay nakaram­dam ng panghihinayang ang buong Pilipinas sa Asian Games nang tumamlay ang performance sa finals kung kaya’t mula sa pagiging sure gold ay nalaglag ito palabas ng podium.

Pero dahil sa likas na hu­say, hindi nagtagal at naging instrumento ang 18-taong-gulang na binatilyo upang sa kauna-unahang pagkakataon sa kasaysayan ay maging me­dalist ng isang event sa Artistic Gymnastics World Championship ang isang ki­natawan ng Pilipinas.

Sa naturang paligsahan na ginanap sa Aspire Academy Dome ng Doha, Qatar, na­sikwat ni Yulo ang tansong medalya sa floor exercises sa likod ng isang Ruso (Ar­thur Dalaloyan) at isang Ha­pones (Kenzo Shirai). Siya rin ang pinakabatang gym­nast sa kompetisyon.

Sa tunggalian sa Ger­many, kung maaayos ang kan­­yang suliranin sa visa, nasa talaan na ng mga kala­hok si Yulo pagdating sa vault, pom­mel horse at high bar at tiyak na hindi mag­pa­paagrabyado ang Pinoy gym­nast.