DORI DU, 7-STAG SOLO CHAMP SA PATULOY NA WPC SEMIS

MAGPAPATULOY ang mainit na labanan upang makapasok sa finals ngayon sa paglalatag ng ikalawang 3-stag semis ng 2018 World Pitmasters Cup (Master Breeders Edition-2) 9-Stag International Derby sa New­­port Performing Arts Thea­tre of Resorts World simula alas-dose ng tanghali at na­kalinya ang 100 sultada.

Ang P220K One-Day 7-Stag Big Event noong araw ng Linggo ay nagtapos kung saan ang ipinagmamalaking sabungero ng Davao City na si Dori Du (Davao Matina 6-Stag Big Event Pzd Dec. 1 330k) ay nasungkit ang so­long kampeonato matapos na magtala ng pitong panalo sa pitong laban, habang nag­salo sa runner-up honors ang mga lahok na RC Warriors & Chris Purple nina Rey Ca­ñedo & Christopher Sioson at ang MJ Blue Eagle nina Marvin Rillo, Miguel Laviña at Bobby.

Pangungunahan ang banggaan ngayon ng isa sa mga pinaka-aktibong mana­nabong ng bansa na si Arman Santos na noong ikalawang eliminasyon noong Nob. 16 ay nagtala ng nakagugulat na 6 na panalo sa 6 na laban sa pamamagitan ng tatlong entries na Jade Red LDI, Jade Red LDI 1 at Babaero Jade Red Dec. 8 Sta. Monica 5-Stag.

Sasagupa rin ang mga may tigalawang panalo na KBPZ Alkatraz Julieto (Ca­no Daniel), Win BG @ MJT Warriors Supercharged (Dar­win Baui/Ace Espejo/Ferdie Pinugu/Fred Collado), Tad­dit 214 (Jayjay Suarez), Tri­bute To Apeng Yap-Swing BG (Vic Yap/Tony Mar­fori). Ang world-class na pasa­bong ay suportado ng gold sponsor Thunderbird Plati­num. Magpapatuloy ang 3-stag semis ngayong Martes, Nob. 20.

Ang 4-stag finals para sa lahat ng makaka-iskor ng 3 or 3.5 puntos pagkatapos ng semis ay sa Nob. 23, saman­talang ang mga may tig- 4, 4.5 o 5 puntos ay magtutuos para sa korona sa Nob. 25 grand finals. (MC)