Pinakamataas sumingil ng kuryente, nabulgar

PINAKAMAHAL umano sa buong bansa ang singil sa kuryente ng Panay Electric Company (PECO) sa Iloilo City kung saan na­taasan pa nito maging ang distribution utility na Manila Electric Company (Meral­co), batay na rin sa isinaga­wang paghahambing ng electricity rates na isinagawa ng isang Non-Governmental Organization.

Ayon kay Ted Aldwin Ong ng Freedom from Debt Coalition, 2010 nang una si­lang magsagawa ng compa­rative study sa singil sa kur­yente sa bansa kabilang ang mga siyudad ng Davao, General Santos, Tacloban, Cebu, Bacolod, Iloilo at Ma­nila.

Lumabas umano na ang Iloilo ang may pinakamataas na singil, makalipas ang 8 taon, ngayong 2018 ay na­natiling ang Iloilo City pa rin ang may pinakamataas uma­nong presyo ng kuryente.

Batay sa pinakahuling rebyu ng power rates ng FDC na ipinalabas noong August 2018, nabatid na ang mga residente ng Iloilo ay nagbabayad ng P12.0917 per kWh sa kuryente, mataas kumpara sa ibinibayad ng mga residente ng Davao City na P10.1228 per kWh at sa National Capital Region na P10.219 per kWh.

Samantala, sa Tacloban City ang may pinakama­babang singil na P8.9388 per kWh. Nabatid na ang na­sabing pag-aaral ng FDC ang isa sa naging basehan ng House Committee on Legis­lative Franchises nang mag­sagawa ng public hearings para sa franchise application ng More Electric Power Corp. (BRT)