Minamaneho ng biyenan ni Sen. Poe | kotse nag-dive mula 3rd flr. ng mall

DINALA sa ospital ang biyenang la­laki ni Senator Grace Poe Llamanzares ma­karaang mahulog ang sports utility vehicle nito mula sa ikat­long palapag ng isang shop­ping mall sa Greenhills, San Juan City kahapon ng umaga.

Alas-9:45 ng umaga nang ipinarada ng biktimang si Teodoro Paraiso Llaman­zares, 83, ang Toyota Innova sa parking 4 ng Promenade Mall nang mahulog ito.

Ayon kay San Juan Chief of Police Senior Supt. Din­do Reyes, nakita ng mga security guard sa lugar na sa halip mag-menor, tuluy-tu­loy ang kotse sa barandilya ng parking area at tuluyang nahulog at bumagsak.

Agad namang nires­pondehan ng mga pulis na hindi kalayuan sa lugar ang biktima at isinugod sa Car­dinal Santos Medical Center.