Mga dancers ng show, bitbit sa bakasyon… WILLIE, MAY BEACH RESORT NA SA PALAWAN
HINDI lang mga rest house sa Tagaytay, luxury cars, condos, yate at chopper ang mga naipundar na properties ng Wowowin host na si Willie Revillame. Balitang-balita na nakabili na rin ito ng isang beach resort.
Posibleng sa parteng Palawan ang beach resort dahil gustung-gusto raw dito ni Willie. Kapag gusto niyang mag-unwind, magpahinga at mag-alis ng stress ay nagbabakasyon siya sa Palawan kasama ang Wowowin staff at mga host-dancers niya sa show.
Kahit two days lang na pahinga sa beach ay nari-recharge na ang comedian-TV host. Ganadung-ganado na namang sumabak sa pagho-host ng kanyang game show.
At ngayong mas pinili ni Willie ang career kesa pumasok sa political arena, asahan na marami pang inihahandang pasabog ang TV host sa Wowowin.
Maghahanap na rin ang WWW ng mga singing champions via Tanghalan ng Kampeon kung saan fabulous ang papremyo sa grand winner — two million pesos cash, house & lot at brand new car.
Tuluy-tuloy pa rin ang mga regular games ng Wowowin. At ngayong darating na Pasko, tiyak na mag-a-ala-Santa Claus na naman si Kuya Wil sa pamumudmod niya ng cash, cellphone at jackets.
Comments