Malinaw ayon sa palad... LALAKING NAKATAKDANG MATUPAD ANG MGA PANGARAP SA TAONG 2019

Maestro Honorio Ong

Dear Maestro,

Hanggang ngayon ay hindi pa rin ako nakatatag­­po ng permanenteng traba­ho at wala rin akong girl­friend, puro panandalian lang ang relasyong nara­ranasan ko.

Naisipan kong su­mang­guni sa inyo upang itanong kung kailan ako magka­karoon ng magandang tra­baho at magkaka-girlfriend ng seryoso at pangma­tagalan?

Gayundin, pakiana­lisa ang aking lagda kung okay ba ito o may dapat akong baguhin upang gu­manda at magbago ang kapalaran ko?

Sa edad kong 32 ay gus­to ko nang makapag-asawa at magkaroon ng isang ma­unlad at masayang pa­milya. June 14, 1986 ang birthday ko.

Umaasa,

Al ng Bantug, Carranglan, Nueva Ecija

Dear Al,

Ayon sa zodiac sign mong Gemini at birth date na 14 o 5 (1+4=5) sa destiny number na 8, (6+5+1986 =1997/ 19+ 97=116/ 11+6= 17/ 1+7=8) para makatagpo ka ng per­ma­nenteng trabaho, ang dapat mong hanaping kumpanya ay ‘yung negos­yo na may kaugnayan sa ko­munikasyon at tra­vel dahil sa nasabing gawain ka susu­wertehin at magkaka­roon ng magandang kapalaran.

Bukod sa nasabing mga kumpanya na may kaug­na­yan sa modernong komu­ni­kasyon at paglalakbay, pu­wede ka ring mag-abroad dahil sa pangingibang-bansa o kaya ay sa pagnenegosyo kapag may sapat ka ng pu­hunan, tiyak na yayaman ka.

Hinggil naman sa pagha­hanap mo ng permanente at pangmatagalang karelasyon, ayon sa zodiac sign mong Gemini at birth date na 14 o 5, Mercurian type of perso­nality ang babaeng dapat mong ligawan at maging ka­sintahan upang makaranas ka ng isang masaya at pangma­tagalang relasyon.

Ang mga babaeng nag­tataglay ng Mercurian type of personality ay medyo ma­liit, cute, bilugan hanggang sa korteng puso at pa-square ang hugis ng mukha, gayun­din ang hugis ng buhok ay pa-square rin. Dagdag pa rito, mabilis siyang magsalita, mag­lakad, kumilos at pala­ging aligaga.

Ang ganyang uri ng ba­bae ang ka-compatible mo na tiyak ang magaganap kung saan sa sandaling siya ang naging girl­friend mo at tulu­yang mapangasawa, magi­ging maligaya ang itatayo ninyong pamilya at pangha­bambuhay mo na rin siyang makakasama.

Habang hinggil naman sa iyong lagda, okay at maganda na ‘yan. Ang dapat mo na lang gawin ay imbes na ma­ikli ang krokes sa ibabaw ng let­rang “t” sa iyong apelyi­do, ha­baan mo pa ito at mas ma­inam ding tapusin mo ang iyong lagda sa tuwid na guhit.

Sa ganyang paraan, ka­pag mahaba na ang krokes ng letrang “t” sa iyong pirma at tinapos mo ito sa tuwid na guhit, tuluy-tuloy mo nang makakamit ang lahat ng mga ambisyon at pangarap mo sa buhay.

Ayon sa Decadens ng Kapalaran, habang patuloy kang naghahanap ng trabaho at ng babaeng inilarawan na sa itaas, tiyak ang magaganap ngayong taong 2018 hang­gang sa susunod na taong 2019, isa-isa ng matutupad ang mga pangarap mo sa bu­hay — isang matatag na tra­baho at kasa­bay nito ay magkakaroon ka na ng girl­friend na may zodiac sign na Aquarius, ang siya mo na ring mapapangasawa at makaka­sama sa pagbuo ng isang simple, pero maunlad at ma­li­gayang pamilya, habambu­hay.