6 online tulak, arestado

HULI ang anim katao, kabilang ang isang babae na sangkot sa ‘online trading’ ng high grade marijuana o kush sa isang buy-bust ope­ration na isi­nagawa sa labas ng isang mall, kamakalawa ng gabi sa Mandaluyong.

Kabilang sa mga na­aresto sina Michael Da­nkin, 26; Andre Daniel Pilapil, 19; Tyron James Reyes , 18; Jhon Anthony Padua, 21; Rona Andrade, 20, at Vance Somera Si­son, 30.

Sinabi ni Inspector Ro­well Robles kay Supt. Ig­medio Bernaldez, na natun­ton nila ang sindi­kato sa pamamagitan ng pakikipag-chat sa Face­book sa mga suspek na nag-aalok ng high grade marijuana.

Nang makipagkita sila bago maghatinggabi ni­tong Sabado sa Manda­luyong City para sa bini­biling kush ay nakabili sila ng mahigit sa 200 gramo ng kush bukod pa sa narekober sa kanilang motorsiklo.

Pawang mga estud­yante ng iba’t ibang ko­lehiyo at unibersidad umano ang mga paruk­yano ng mga sus­pek at ang iba ay banyaga.

Ang puhunan umano sa iligal na negosyo ay mula umano sa investment ng itinayo nilang hindi rehistra­dong investment company at ang high-grade marijuana ay nag­mumula pa sa iba­yong-dagat.