Noon, adik lang ang mga rapist; ngayon, pati pulis, buwisit!
TULAD NI P-DUTERTE, PALAMURA NA RIN SI TEDDYBOY — Minura ni DFA Sec. Teddyboy Locsin sa social media ang mga netizen na pumuna sa hindi maayos na pananamit ni P-Duterte nang dumalo ito sa ASEAN Summit, na ayon kay Locsin ay hindi naman daw fashion show ang dinaluhan ng pangulo.
Dati, hindi naman palamura si Teddyboy, pero nang madikit kay P-Duterte, ang lutong na ring magmura.
Isa ba iyan sa qualification para maging bahagi ng Duterte gov’t., na ang mga nais maging opisyal ay dapat palamura at balahura? Buwisit!
◘◘◘
PULONG, TATAKBONG MAMBABATAS PARA MAG-REVENGE KAY TRILLANES AT HINDI MAG-SERVE SA PUBLIC? — Ang sabi ni P-Duterte, kaya raw kumandidatong kongresista ang anak niyang si ex-Vice-Mayor Paolo Duterte ay para makapaghiganti sa numero unong kritiko ng kanilang pamilya na si Sen. Antonio Trillanes IV.
Ganu’n? Aba’y bad iyan, kasi taxpayers ang magpapasuweldo kay Pulong para magserbisyo siya sa publiko, tapos ang pakay lang pala niya kaya nais niyang maging mambabatas ay para lang makapaghiganti kay Trillanes, pwe!
◘◘◘
KULANG NA LANG SABIHIN NI PULONG, SINUNGALING ANG KANYANG AMA — Dahil bad sa pandinig ng publiko ang sinabi ni P-Duterte na revenge kay Trillanes ang pakay ng kanyang anak kaya nais nitong maging mambabatas ay agad kinontra ni Pulong ang naging statement ng kanyang ama at nilinaw na hindi naman daw paghihiganti ang kanyang pakay kundi hustisya sa ginawang paninira raw ni Trillanes sa kanya at sa kanilang pamilya.
Kumbaga, kulang na lang sabihin ni Pulong na nuknukan ng sinungaling ang kanyang ama, boom!
◘◘◘
DATI, ADIK LANG ANG MGA RAPIST; NGAYON, MAY MGA PULIS NA RING RAPIST! — Sa inilabas na data ng PNP-Internal Affairs Service (IAS), 43 pulis na may kasong rape ang iniimbestigahan ng kanilang tanggapan.
Hay naku, kung dati mga adik lang ang rapist, ngayon ay may mga pulis na ring rapist, buwisit!
Comments