Holdaper utas sa parak
ISA umanong notoryus na holdaper na unang nambiktima sa 38-anyos na babae ang patay matapos makipagbarilan sa tumutugis na mga pulis sa Caloocan City.
Ayon kay PO1 Reynante Duldulan, alas-3:00 ng madaling-araw, naglalakad si Rosemarie Alcantara ng Bgy. 176 patungong palengke nang harangin ito ng suspek na nasa 40-45 ang edad at tinutukan siya ng baril sabay pahayag ng holdap.
Sa pangamba sa kanyang buhay, hindi na pumalag ang biktima nang kunin ng suspek ang kanyang bag na naglalaman ng pera, cellphone at mga mahalagang gamit bago tumakas habang humingi naman ng tulong sa pulisya si Alcantara.
Agad namang nagsagawa ng follow-up operation ang mga tauhan ng PCP-3 sa pangunguna ni Chief Insp. Raymond Nicolas hanggang sa makita ang suspek sa kahabaan ng Phase 9.
Sa halip na sumuko, naglabas ng baril ang suspek at pinaputukan ang mga pulis na naging dahilan upang mauwi sa barilan hanggang sa tamaan sa katawan ang holdaper na nagresulta sa kanyang kamatayan.
Comments