Driver inatake | TRAK SUMALPOK SA PUNERARYA

BUMANGGA sa hara­pan ng isang punerarya ang isang cement mixer truck nang atakehin ng epilepsy ang driver nito sa Sampaloc, Manila.

Isinugod sa Ospital ng Sampaloc ang driver na na­kilalang si Benjamin Mendoza.

Batay sa imbestigas­yon ng Manila District Traffic Enforcement Unit, dumi­retso umano sa Mark Me­morial Chapel sa Ge­rardo Tuazon at Loreto Sts., alas-11:30 ng gabi ang nasabing trak.

Nakita sa CCTV na may 11 katao na nakiki­paglamay ang masuwerte namang hindi nasaga­saan matapos tumama muna sa poste sa harap ng pune­narya ang trak.

Ayon sa mga testigo, nang tingnan nila ang mga sakay sa loob ng trak ay na­pansin nila na tila na­ngingi­say ang driver kaya isinugod agad sa nasa­bing ospital.