Magsasaka nagbigti sa abandonadong bahay

SOUTH COTABATO—Isang magsasaka ang nagpakamatay sa pamamagitan ng pagbigti sa loob ng abandonadong bahay sa Bgy. Denlag, Lake Sebu sa lalawigang ito.

Nakilala ang biktima na si Nonito Gal, residente sa nabanggit na barangay.

Ayon sa ulat, mismong ang ina ni Gal ang nakatagpo sa nakabiting bangkay nito sa abandonadong bahay sa nasabing lugar.

Iniimbestigahan na ng pulisya ang motibo ng biktima sa pagpapakamatay nito.