Tiniyak ng DOE at ERC | WALANG ABERYA SA SUPPLY NG KURYENTE

TINIYAK ng Depart­ment of Energy (DOE) at Energy Regulatory Commis­sion (ERC) na walang mang­yayaring aberya sa supply ng kuryente kaug­nay ng hin­di pagre-renew sa ilang kum­panya ng kuryente.

Wala umanong dahilan para mangamba pa ang mga residente sa nauna nang banta ng Panay Electric Com­pany (PECO) na mag­kaka­roon ng power blackout sa oras na hindi ma-renew ang kanilang prangkisa na naka­takdang mag-expire sa Enero 19, 2019.

Ayon kay Iloilo City Councilor Joshua Alim, ma­ituturing na ‘blackmailing’ ang pagbabanta ng PECO gayunman, wala umanong dapat na ikatakot ang mga re­sidente dahil mismong ang DOE at ERC na ang nagbi­gay ng kasiguruhan na may­roon na itong inilalatag na measures para maiwasan ang pagkadiskaril ng electri­city supply sa lugar.

Samantala, siniguro ng kinatawan ng DOE na si An­tonio Barcelona sa pagdalo nito sa naganap na pagdinig ng Senate Committee on Public Services noong Ok­tubre 22 na maaaring mag­patupad ang ahensiya ng automatic divestment assets ng PECO pabor sa susunod na distribution utility firm na mabibigyan ng congres­sional franchise para masi­guro ang tuluy-tuloy na po­wer service.