Pag-angkin ng China sa WPS | TANGGAPIN NA NATIN — DIGONG

NAGBANTA si Pangulong Rodrigo Duterte na posibleng mauwi sa giyera ang ‘military drill’ sa South China Sea.

Dahil dito, sinabi ni P-Duterte na dapat tanggapin na ng lahat kabilang ng Estados Unidos na inaangkin ng China ang naturang karagatan kung saan naroon na ang kanilang presensiya.

“No because — it’s not military drills because I said China is already in possession. It’s now in their hands. So, why do you have to create frictions — strong fri — military activity that will prompt a response from China?” pahayag ni P-Duterte sa isang ambush interview sa Singapore.

Ibinabala pa ni P-Duterte na anumang military activity sa South China Sea ay maaaring mag-udyok sa China na magbigay ng military response at mauwi ito sa giyera.

Wala umano siyang pakialam kung maggiyera ang mga bansa, pero katabi ng Pilipinas ang South China Sea o mga isla rito kaya ang ating bansa ang unang maaapektuhan at magiging kawawa.

“I do not mind everybody going to war, except that the Philippines is just beside those islands. And if there’s a shooting there, my country will be the first to suffer. That’s my only in — that is my only national interest there. Nothing else,” paliwanag pa ng pangulo.

Una na rin kinumpirma ng Amerika ang pagsasagawa ng ‘complex’ warfare drills sa Philippine Sea.