120 SULTADA SA WPC DAY-2, ITATAMPOK

MAKARAAN ang maingay na pagbubukas kahapon, ang prestihiyosong 2018 World Pitmasters Cup (Master Breeders Edition-2) 9-Stag International Derby ay muling raragasa ngayon sa Newport Performing Arts Theatre ng Resorts World Manila simula 11 a.m. hatid ang ikalawa sa tatlong mag­kakahiwalay na 2-stag eliminations tampok ang 120 bagong kalahok.

Minsan pa, ang mga sabu­ngero mula sa iba’t-ibang bahagi ng Pilipinas na ang iba ay mula pa sa Cebu at Davao City ay daragsa sa Manila upang saksihan ang tinagu­riang pinakamatinding laba­nan ng pinakamagagaling na manok-panabong sa mundo ibabandera ang mga pinaka­matagumpay na gamefowl breeders ng bansa.

Huli sa dalawang World Pitmasters Cup Master Bree­ders Edition na pasa­bong sa taon ito tampok ang mga Bakbakan o Digmaan-banded na mga batang tinale, ang siyam na araw na tung­galian ay gaganapin mula Nob. 15 hanggang 25 na kapapalooban ng regular na 9-stag international derby na may entry fee na P88,000 at minimum bet na P55,000 at ang one-day 7-stag big event sa Nobyembre 18 na may entry fee na P220,000.

Maghaharap sa ibabaw ng rueda sina Arman Santos, Patrick Antonio, Edr, Larry Amante / Atty Mendoza, Harold at Engr. Femie Medina, Dori Du, Jess/Fantastic Coliseum, Atty. Ed Santos, Edwin Lumbres, Allan Villegas at marami pang iba. (MC)