Prangkisa ng electric company, nakabitin sa Kongreso | CITYWIDE BLACKOUT

INALMAHAN ng mga residente ng Iloilo ang naging pagbabanta ng Panay Elec­tric Company (PECO) na ititigil nila ang kanilang ope­rasyon sa Enero 19, 2019 kung hindi mare-renew ang kanilang congressional fran­chise.

Una nang sinabi ni PECO Legal Counsel Atty. Inocencio Ferrer na ang Kamara at Senado ang dapat sisihin ng mga residente sa mararanasang citywide black­out dahil sa hindi pag­re-renew ng kanilang prang­kisa.

Buwelta naman ng mga residente, walang dapat si­sihin sa sinapit ng PECO kundi ang pamunuan nito na sa loob ng 95 taong ope­rasyon ay hindi nagawang imodernisa at isabay sa pa­nahon ang kanilang pasilidad na nagresulta sa madalas na inirereklamong brownout at mababang kalidad na ser­bisyo. Kasabay ng pag­kuwes­­tiyon sa prangkisa ng PECO, inaprubahan ng House of Representatives at Senado ang legislative franchise ng MORE Power and Electric Company na mag-operate bi­lang distri­bution utility sa Iloilo. Sa ngayon, nanatiling nakabim­bin sa House Com­mittee on Legislative Fran­chise ang franchise renewal appli­cation ng PECO suba­lit, tinutu­tulan ito ng Iloilo City Council at may 25,000 residente ang nakapirma sa No to PECO petition sa da­hilang sa maha­bang pana­hon ay hindi na­pagbuti ng utility firm ang ser­bisyo nito.