Lady cop nireyp ng police officer

ISANG babaeng pulis ang umano’y ginahasa ng kanyang instructor na pulis din habang nasa isang training center sa Puerto Princesa City, Palawan.

Ayon sa ulat, naganap ang krimen sa loob ng Joint Maritime Law Enforcement Training Center sa Puerto Princesa.

Kabilang umano ang biktima sa kumukuha ng maritime trooper course.

Kinilala naman ang suspek na si Police Officer 3 Jernie Languian Ramirez, na nagsisilbing assistant instructor.

Nilapitan umano ng suspek ang biktima at pilit na pinapasama sa pag-ikot sa center hanggang sa hinalikan umano ni Ramirez ang bagitong policewoman bago niya dinala sa kuwarto at ginahasa.

Agad umanong nagsumbong ang biktima sa kanilang course director at inaresto ang suspek. (BRT)