Tatay pinagtataga sa ulo, dedo

ISANG ama ang namatay makaraang pagtatagain ng kanyang anak sa Pasil, Kalinga.

Dead-on-arrival sa Rural Health Unit (RHU) si Luis Donato, 64, sanhi ng tatlong malalalim na sugat sa kanyang ulo mula sa pananaga ng suspek na anak na si Julius, 23.

Naganap ang karumal-dumal na krimen alas-8:30 ng gabi sa bahay mismo ng Pamilya Donato sa Bgy. Pugong. Pinagsasabihan umano ng ama ang anak nito na huwag lumabas ng bahay na may dalang bolo.

Nagkaroon umano ng diskusyon ang dalawa hanggang sa pagtatagain ng anak ng tatlong beses sa ulo ang ama.

Naawat ang suspek ng kanilang mga kaanak at agad isinuko ito sa mga awtoridad.