Pulitikong may private armed groups, tukoy na — PNP

TUKOY na ng Philip­pine National Police ang ilang pulitiko na umano’y guma­gamit ng private armed groups (PAGs) para ipursige ang interes sa papalapit na eleksiyon.

Gayunman, ayon kay PNP Spokesperson Chief Supt. Benigno Durana, nag­papatuloy pa ang kanilang validation sa mga nakalap na impormasyon laban sa mga naturang pulitiko.

Mahigpit din ang pag­mo­-monitor sa mga lugar na may matinding alitang po­litikal kabilang ang Regions 1, 4-A, 7, 10, Cordillera Ad­ministrative Region at ARMM.

Sa tala ng PNP, umaabot sa 77 ang aktibong PAGs na may mahigit 2,000 miyem­bro at nag-iingat ng mahigit 1,500 armas.

Mula Enero ng kasa­lu­kuyang taon hanggang nga­yong Nobyembre, umaabot na sa 18 opisyal at pulitiko ang napapatay o nasugatan dahil sa pagkilos ng private armed groups na karamihan sa mga naitala ay mula sa Region 7.

Sa kabila nito, sinabi ni Du­rana na hindi pa maitu­tu­ring na nakaaalarma ang dami ng private armed groups ngu­nit, isa pa rin itong proble­mang panseguridad na kaila­ngang tutukan.